మాండోస్ తుఫాను బలహీనపడి ప్రస్తుతం కర్ణాటక లోని మైసూరు దగ్గరగా కదులుతోంది. దీని ప్రభావాన్ని మనం ఫుల్ ఎఫెక్టు అంటారు. నిన్న మనం మాట్లాడుకున్న ఫుల్ ఎఫెక్టు వలన ప్రకాశం, నెల్లూరు, కృష్ణా, కొనసీమ, పశ్చిమ గోదావరి జిల్లాల్లో భారీ నుంచి అతిభారీ వర్షాలు నిన్న పడ్డాయి. ఇదే విధంగా ఈ రోజు, రేపు కూడ కొనసాగనుంది. మాండోస్ తుఫాను బలహీనపడింది కదా ఇంక అంతగా వర్షాలు ఉండవు అని అనుకుంటే పొరపాటే.
ఈ రోజు, రేపు నెల్లూరు, ప్రకాశం జిల్లాల్లోని కోస్తా భాగాలు, లోపల ఉండే భాగాల్లో భారీ నుంచి అతిభారీ వర్షాలుంటాయి. అలాగే తిరుపతి, అన్నమయ్య, కడప, బాపట్ల, కృష్ణా, కొనసీమ, పశ్చిమ గోదావరి, తూర్పు గోదావరి, అనకాపల్లి, అనంతపురం, సత్యసాయి, కర్నూలు, నంధ్యాల, చిత్తూరు, కాకినాడ జిల్లాల్లో తేలికపాటి నుంచి మోస్తరు వర్షాలుంటాయి. విజయవాడ నగరంలో సాయంకాలం సమయంలో వర్షాలుంటాయి, విశాఖలో అడపదడపగా తేలికపాటి నుంచి మోస్తరు వర్షాలూంటాయి.
